Фестивалот „АКТО“ за општеството што се гради

Во Битола, од денеска до сабота, се одржува фестивалот на современа уметност „АКТО“. Неговата програма, поделена во 5 целини, се осврнува на зададената тема, насловена „ Општество во изградба“. Од граѓанската платформа „Мрдни со прст“, кои се вклучени во „АКТО“ , за утре најавуваат повеќе содржини, наменети и за децата и за возрасните. А, од таму ја најавија и хуманитарната акција „ Нахрани 10 илјади“, која ќе се одржи на 6 септември низ целата држава, како дел од нивниот летен караван.

Офицерскиот дом во Битола , од денеска до сабота ќе биде местото каде ќе се одржува 13 издание на фестивалот на современа уметност, АКТО.

„ АКТО“ има 5 програми: АКТО-Агора, АКТО-За заедницата, АКТО-Уметничка програма, АКТО-Музика и АКТО-Воз.

Критичкиот и ангажиран пристап во расветлувањето на состојбите во општеството и овој пат нема да изостане.

„ АКТО“ , годинава се одржува под наслов „ Општество во изградба. Во тие рамки, ќе бидат прикажани три содржини кои за тема го имаат феноменот на промена на името. А, се реферираат на претстојниот референдум.
Кои што се за подобрување на читачките и математичките навики на децата. Така се вика „ За здрави читачки навики“. Потоа ќе има активности кои треба да да ја унапредат креативноста на децата, имаме јога со смеење.

Во рамките на летниот караван на платформата „ Мрдни со прст“, започнувајќи од викендот до 9 септември, спортски активности ќе има во Штип, Дојран, Валандово, Струмица и Пробиштип. А, на 6 септември ќе се одржи хуманитарна акција за собирање храна во 10 градови во Македонија. Според Блаже Јосифовски од платформата „ Сите сити“, целта е да се соберат 10 тони храна зашто во Македонија живеат 450 илјади граѓани кои не можат да го остварат тоа основно човеково право.

Сотир Трајков