Свет Светски ден на слободата на медиумите
Генерален тренд на опаѓање на медиумските слободи и влошување на условите за работа на новинарите и другите медиумски професионалци бележат агенциите на светскиот ден на слобода на медиумите. Балканот влегува во категоријата на сериозно намалување на слободата а Европскиот Парламент наведе дека слободата на медиумите на Западен Балкан е незадоволителна и апсурдно, се намалува паралелно со приближувањето на регионот до ЕУ.
Генералниот секретар на ОН Антонио Гутереш изјави дека слободата на медиумите е суштинска за мирот, правдата и човековите права за сите.
„На светскиот ден на слободата на медиумите во 2018 година ги повикувам владите да ја зајакнат слободата на медиумите и да ги заштитат новинарите. Промовирањето на слободата на медиумите е застапување на нашето право за вистината“, порача Гутереш.
36 новинари и медиумски работници се убиени од јануари до мај годинава, од кои двајца во Европа, Јан Куцијак во Словачка и Дафне Каруна во Малта.
Најновиот извештај за медиумските слободи на „Репортери без граници“ покажува дека иако тие во Европа се на највисоко ниво, сепак и кај нив се бележи опаѓање последнива години.
Игор Трајков
